Deputeti i opozitës së re parlamentare, Ralf Gjoni ka folur me tone të ashpra sot në Kuvend, ku ka hedhur akuza se sipas tij presidenti turk, Rexhep Tajip Erdogan, po i afrohet vendit tonë për të kapur tendera, ku ka përfshirë edhe fenë, duke përmendur edhe gratë e mbuluara.
“Çfarë kërkon Vaherlyi, që Shqipëria të mbesë vetëm me pensionistë si Spartak Braho? Apo me fëmijë kriminelësh, apo me gra të mbuluara islamike? Çfarë kërkon Vaherly?”, tha Gjoni
Sipas Gjonit nëse lejohet ndërghyrja e tyre në një Republikë laike si Shqipëria, do detyrohen të largohen nga vendit të gjithë njerëzit e shkolluar apo ata laikë.
Kjo deklaratë nuk është pritur aspak mirë nga deputeti Halit Valteri, i cili ka marrë fjalën menjëherë pas tij dhe i është përgjigjur duke thënë që të përmbahet kur flet për fenë dhe zonjat e mbuluara.
Ndërkaq Valteri tha se do të ishte i nderuar nëse do të kishte miqësi me Erdogan.
Gjoni- Hysit: Ne jemi vend laik. E kam fjalën për alternativat fetare që ndërhyjnë në politikë. Shqipëria duhet të përgatitet për një skenar të tillë në të ardhmen nëse ikin të gjithë njerëzit e shkolluar, laik dhe që nuk kanë lidhje me fenë në politikë.
Mund të them të njëjtën gjë edhe për ortodoksinë. Nuk kam fare problem. Mos tjetërsoni fjalën time ju lutem. Unë e kam me alternativat fetare të sponsorizuara nga miku i kryeministrit dhe shefit tuaj, Erdogan për të futur hundët në tenderat dhe në politik bërjen e Shqipërisë, që është Republikë laike. Këta do mbeten këtu pastaj, sepse ne me familjet tona do të ikim.
Valteri: Ralf lëre fenë jashtë parlamentit dhe kur të flasësh për zonja të nderuara me shami laj gojën sepse janë shumë herë me të lartësuara se sa ata që mbron ti. Do isha shumë i nderuar të kisha miqësi me Erdoganin, po ca të bëj se s’më lidh asgjë me të.
E nderuar zonja e seancës njerëz islamofobë mundohuni ti largoni nga kjo seancë. Ralf jam më shqiptar se ti, por të lutem mos fol këtu.