Ledjan Imeraj është 17-vjeçari shqiptar që humbi jetën tragjikisht, si pasojë e flakëve që përfshinë qendrën komunitare për të mitur në Pasian di Prato të Udines, raportojnë mediat italiane.
Të shumta ishin ëndrrat që kishte Ledjan Imeraj, e që kishte filluar pak nga pak t’i realizonte, por çdo gjë u ndërpre në mes nga ngjarja fatkeqe, zjarri i rënë në orën 2 të mëngjesit të ditës së djeshme.
Në ambientet e qendrës komunitare për të miturit, i riu shqiptar po qëndronte prej muajit shtator të këtij viti. Gjatë ndërhyrjes ekipet e shpëtimit arritën të shpëtonin e të nxirrnin 11 persona, 2 prej të cilëve mbetën të lënduar, por për 17-vjeçarin shqiptar ishte shumë vonë, ndërsa trupi i pa jetë i tij u gjet në dhomën e gjumit. Autoritet italiane do të duhet të zbardhin dinamikën dhe shkaqet që çuan në këtë në këtë tragjedi.
Nga flakët janë prekur platforma druri, mobilje dhe materiale të ndryshme të qendrës. Në strukturë kishte edhe një bombol gazi, fatmirësisht e paprekur nga flakët, e cila u sigurua menjëherë . Ishin banorët e një pallati ngjitur me atë ku banon komuniteti i të miturve të huaj, që ngritën alarmin natën e ngjarjes.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
