Detaje të reja janë zbardhur nga ngjarja e ndodhur gjatë natës në Kurbin të Laçit, ku një efektiv policie, Dhurim Metko, pretendon se është kërcënuar. Në dëshminë e dhënë për kolegët e tij, ai ka deklaruar se dy persona të armatosur dhe të maskuar, me një fuoristradë, i kanë dalë para.
Efektivi ka pretenduar se ata kanë qëlluar në ajër dhe e kanë kërcënuar. Ai ka deklaruar se nuk ka arritur që t’i njohë dy personat që i bënë pritë në rrugë.
Policia po heton dy pista, faktin që deklarata e efektivit mund të jetë e vërtetë, por edhe e inskenuar pasi në vendngjarje nuk janë gjetur gëzhoja. Në Lezhë ndodhet drejtori i Përgjithshëm i Policisë së Shtetit, Muhamet Rrumbullaku.