Në Institucionin e Presidentit të Republikës u hodh sot shorti për zgjedhjen e Anëtarëve të rinj të Këshillit të Emërimeve në Drejtësi, që do të funksionojë përgjatë vitit 2024. Shorti përcaktoi 9 anëtarët e përhershëm dhe 6 zëvendësues të Këshillit të Emërimeve në Drejtësi. Hedhja e shortit u ndoq nga Avokati i Popullit, në cilësinë e monitoruesit.
Gjatë hedhjes së shortit, ishin të ftuar përfaqësues nga Kuvendi i Shqipërisë, nga misionet që mbulojnë çështjet e drejësisë; OPDAT-i dhe Delegacioni Europian në Tiranë.
Gjithashtu, ishin të pranishëm edhe përfaqësues të Gjykatës Kushtetuese, Këshillit të Lartë Gjyqësor dhe Këshillit të Lartë të Prokurorisë. Kryetar i KED është zgjedhur Sokol Ngresi, gjyqtar nga Gjykata e Lartë.
Konkretisht anëtarët janë zgjedhur si më poshtë:
Anëtare nga Kushtetuesja: Elsa Toska dhe Sonila Bejtja, zëvendësuese Marjana Semini
Anëtar nga Gjykata e Lartë: Sokol Ngresi, njëkoësisht edhe kryetar i këshillit, zëvendësues do jetë Dariel Sina
Anëtare nga Prokuroria e Përgjithshme: Alma Muça, zëvendësuese Arqile Koça
Anëtare nga Gjykata e Apelit: Irena Brahimi e Altina Nasufi, zëvendësuese, Ilirjana Olldashi
Anëtarë nga Prokuroria e Apelit: Lazer Çardaku (Prokuroria e Apelit Shkodër) e Genti Xholi, zëvendësuese, Irma Balli
Anëtar nga Gjykata Administrative: Ramiz Lala, zëvendësues, Besart Kaçkini
Këshilli i Emërimeve në Drejtësi është një organ kolegjial, i përbërë nga 9 anëtar me një mandat 1 vjeçar, dhe është përgjegjës për vlerësimin e kritereve profesionale e morale të kandidatëve për Inspektor të Lartë të Drejtësisë dhe kandidatëve për anëtarë të Gjykatës Kushtetuese.
