Drejtori i Përgjithshëm i Burgjeve, Admir Abrija do të prezantojë sot Drejtorin e ri të IEVP Reç, Seit Vuçaj, i cili më herët, në vitin 2018, ka qenë drejtor edhe në burgun e Kukësit.
Ky emërim vjen pas arrestimit të drejtorit të komanduar Ervis Zika, nën akuzën e shpërdorimit të detyrës.
Ky i fundit dyshohet se ka shpërdoruar detyrën, duke lejuar futjen e sendeve pa kontroll për të dënuarit, si dhe ka marrë karburant duke firmosur kartela fiktive.
Përveç Zikës në hetim janë dhe punonjës të tjerë në këtë institucion të vuajtjes së dënimit.
Arrestimi i Zikës u krye nga Shërbimi i Kontrollit të Brendshëm të Burgjeve , ndërsa urdhëri për arrestimin është dhënë nga prokuroria e Rrethit Gjyqësor Shkodër.
