Rexhina Debrova është 25-vjeçarja e cila humbi jetën ditën e sotme në Elbasan, një orë pasi solli në jetë fëmijën e saj. Mësohet se e reja ka humbur jetën për shkak të Trombolisë pulomonare, mbyllja e arterieve pulmonare (mushkërive).
Ngjarja e rëndë ndodhi paraditen e sotme në spitalin e Elbasanit, ku pas lindjes mjeku gjinekolog ka konstatuar se e reja ka pasur aritmi dhe ka kërkuar ndërhyrjen e mjekut kardiolog. Ndërkohë familjarët e vajzës kanë ngritur akuza ndaj stafit mjekësore, duke u shprehur se mjeku kardiolog është vonuar një orë dhe nuk ka mundur ta shpëtojë.
“Pacientja është shtruar me barrë të vonuar, dy javë nga java që duhej të linde dhe është ndërhyrë. Operacioni ka shkuar mirë, foshnja mirë. Si operacion ka qenë shumë në rregull. Këto janë raste shumë të rralla në gjithë botën njihen, unë jam e tronditur nga ky fakt, ka kohë që s’ndodh kjo në maternitetin tonë. Vajzës i ishte vonuar data e lindjes. Këto raste njihen, nuk janë vetëm te ne janë kudo”, thotë mjekja Teuta Iliriani nga materniteti i Elbasanit.
Ende nuk ka reagim zytar nga spitali dhe as nga policia, ndërsa pritet që të dalë ekspertiza mjekoligjore për të përcaktuar shkaqet e vdekjes së 25-vjeçare. Rexhina Debrova u bë sot nënë për herë të parë, duke sjellë në jetë një vajzë pas vetëm 10 muajsh martesë.
