![](https://www.shkodraweb.com/wp-content/uploads/2021/07/Stadiumi-Loro-Boriçi.jpg?x28643)
Ndeshja miqëesore Vllaznia- Kastrioti, është anuluar pak minuta para startit të saj, njoftuar për këtë të shunë në orën 14.00 në “Loro Boriçi” të Shkodrës. Anulimi është njoftuar përmes një publikimi në Facebook të klubit shkodran.
“KF Vllaznia bën të ditur se ndeshja miqësore ndaj ekipit të Kastriotit, e planifikuar për t’u luajtur ditën e sotme në orën 14:00 në stadiumin “Loro Boriçi”, nuk do të zhvillohet. Ekipi krutan e ka patur të pamundur për të udhëtuar drejt Shkodrës për disa arsye të rëndësishme dhe si rrjedhojë, kjo ndeshje nuk do të luhet.”, thuhet në njoftim.
Nuk është e qartë arsyeja e vertetë e anulimit, por lihet të kuptohet se shkaku është në anën e krutanëve dhe jo të shkodranëve. Prej ditësh, KF Vllaznia është në një vorbull diskutimesh, hamendësimesh e lajmesh lidhur me largimin e drejtorit sportiv Elvis Plori.
Si zëvendësues të mundshëm janë ish- drejtori i Tiranës dhe ish- drejtori i Partizanit, ndërsa nga klubi kuqeblu, akoma nuk ka asnjë reagim zyrtar lidhur me këto zëra në shtypin sportiv e jo vetëm.