Skip to content Nga Blerti Delija
Askush nuk mund ta thote sot se Saimir Tahiri eshte i pafajshem nga akuzat publike qe ju formalizuan nga Prokuroria! Po ashtu, askush nuk mund te pohoje gojeplot se ish- ministri i Brendshem eshte fajtor, pavaresisht artikulimeve publike te opozites dhe mediave. Sipas gjasave, asnjehere nuk do te merret vesh. Historia 27- vjecare e tranzicionit na ka dhuruar deri tani vetem kete standard. Shembujt jane te shumte, nga Fatos Nano, Sali Berisha, Lulzim Basha, Ilir Meta, Fatmir Mediu e po te doni, deri tek Ramiz Alia. Ky shtet, ky vend, ky realitet nuk ka ndrmend edhe per shume vite te beje shembuj edhe nen shembullin e Kroacise per shembull. Rasti i Tahirit nuk mund te ishte ne asnje rast ai i sakrifikimit te nje politikani te larte per ti dhene haracin BE-se, per ta bindur se edhe ne e luftojme korrupsionin. Edhe pse jo minister, qenia e tij gati nje mandat qeveritar dhe qenia deputet ne te njejten mazhorannce, e bente praktikisht te pamundur dorezimin pa kushte para prokurorise. Gradualisht po krijoj bindjen se Tahiri u zgjodh si kurban (pa thojza) per te ndihmuar arritjen e standarteve te luftes ndaj korrupsionit te zyrtareve te larte ne vend. Nuk kam prova, por me shume perceptim ne driten e deklaratave te Rames, Tahirit, Lalles, Bashes, Berishes etj. Tahiri qendroi, pse jo edhe kercenoi dhe duket se po qendron nen hetim, por pa “pizhamat me vija” sic tha nje koleg i tij. Pak e shume, e njejta skeme qe u perdor edhe ne rastin “Doshi”, i cili ishte pjese e nje misioni per te larguar nga skena Ilir Meten, me mbeshtetjen fillestare edhe te Rames, per tu terhequr me pas ne emer te ruajtjes se karrikes kryeministrore. Skema e dorezimit te Tahirit, sipas perceptimit tim, eshte mbeshtetur ne prapaskene pervec PD, Bashes e opozites, edhe nga Berisha e Meta direkt me heshtjen fillestare te Rames. Kjo eshte pjesa politike e skemes qe u tentua te materializohej.
Pjesa e dyte ka te beje me Prokurorine. Organi i akuzes paditi veten, mbase nga ngutja apo paaftesia e imponuar. Prokuroret deklaruan se e kane nisur procedimin penal kryesisht pas lajmeve ne media. Jo vetem kaq. Ceshtjen e nisur me 17 tetor e derguan ne Kuvend me 19 tetor, bazuar ne deklarimet e mediave dhe nje raport te ardhur nga Italia, aq sekret sa brenda pak oreve, mund te aksesohej nga te gjithe ne internet. Edhe po te duhej te arrestohej nje qytetar i thjeshte, do te bente “muuuu” kjo ngutje e pazakonte e organit te akuzes. Aq me pak nje ish- minister shume i rendesishem dhe nje eksponent i larte i nje partie ne vitin e peste ne pushtet. Pjesa e provave, publike e sekrete,, me dyer te hapura e te mbyllura, nuk kishte me peshe per deputetet e publikun. Procedura e ndjekur nga Prokuroria, ishte tej mase e pershpejtuar dhe urgjenca per shkak te frikes se arratisjes se Tahirit, mund te gajaste kedo. Nuk mund ta them nese prokuroret e parashikonin qe ne nisje fundin e kerseses se tyre dhe vepruan “sa per tu gjetur Kola ne pune”. Apo per te plotesuar nje deshire te shefit te vogel apo te madh te Prokurorise?
Sic ndodh rendom, politika fitoi serish ne perballje me pushtetin tjeter, drejtesine. Shanset qe Tahiri te mbetet ne doren e Prokurorise pa imunitet, jane zero. Qe te arrestohet, jane edhe me te pakta. Ne situaten e krijuar, i vetmi ndryshim mund te imponohet ambasadoret e rendesishem ne Tirane, SHBA dhe BE. Por edhe ata jane “paralajmeruar” personalisht nga Tahiri ne Opinion te TV Klan. Nga ky moment, Vettingu merr nje goditje jo pak te rendesishme. SPAK, FBI, CIA dhe kushdo agjensi tjeter kane marre nje mesazh te qarte: Tentoni njerezit qe nuk kane imunitet, sepse per “imunitaret” jane ne doren e politikes dhe jo te drejtesise. Nuk jam ne gjendje te shprehem per pafajesine ose jo te Tahirit, nuk jam i sigurte nese prokuroria gaboi me apo pa dashje apo kjo ishte skema per te krijuar nje precedent qe nuk mund te shkapercehet ne te ardhmen per poliitikane te ketij rangu ne Shqiperi. Por per nje gje jam i sigurte: Dhenia e statusit te vendit kandidat per BE, eshte shtyre…shume madje. Kete e paguajme te gjithe, per ata qe vazhdojne te besojne ne “Endrren europiane” akoma… ©ShkodraWeb
