Forcat e policisë kanë arrestuar 3 shtetas të akuzuar për vjedhje të energjisë elektrike ndërsa një tjetër është shpallur në kërkim. Kontrollet janë zhvilluar nga grupet e OSHEE Shkodër në vijim të aksioneve për goditjen e atyre që vjedhin energjinë elektrike. Policia ka arrestuar shtetasen Luljeta Sokoli dhe ka shpallur në kërkim bashkëshortin e saj shtetasin Besnik Sokoli për shkak se janë konstatuar në banesën e tyre me një linjë të dytë duke vjedhur energjinë elektrike. Po ashtu është arrestuar shtetasi Mark Ndreca banues në Bushat të bashkisë Vau Dejës pasi është konstatuar nga OSHEE se ka patur ndërhyrje në matësin e energjisë elektrike. Në pranga ka rënë eshe shtetasi Sandër Suli banues në Gjadër për shkak se edhe ai ka ndërhyrë në matësin e tij duke përfituar në mënyrë të paligjshme energji elektrike. OSHEE do të ketë të tjera kontrolle për të goditur çdo rast të vjedhjes së energjisë elektrike. /Senad NIKSHIQI/
