Partia Demokratike pritet te futet ne nje proces zgjedhor kapilar, nga seksionet dhe deri ne kryesine e Deges Shkoder. Tashme pritet vetem zyrtarizimi, i cili sipas gjasave do te vije neser (te shtunen) ne mbledhjen e thirrur nga Basha me kreret e sekretaret e degeve demokrate. Menjehere pas zgjedhjeve te 25 qershorit, vecanarisht pas rikonfirmimit te Lulzim Bashes me 23 korrik 2017, perhere e me shpesh ne Tirane e ne Shkoder eshte folur per riorganizim te PD-se.
Dega Shkoder, vijon te konsiderohet si nder me te rendesishmet e PD-se dhe natyrisht, “lufta” per kreun lokal, do te ngjalle mjaft ambicje. Nuk eshte e qarte nese do te kete nje udhezim per menyren e organizimit te fushates brenda PD-se meqenese edhe organet qendrore duhet te rinovohen, por sipas gjasave kreu aktual Ramiz Cobaj do te jete kandidat i forte per rikonfirmim. Ai ka perseritur rezultatin e para 4 viteve me 5 deputete te fituar, ndersa trysnia politike ka qene edhe me forte teksa vec PS dhe LSI u shfaq fuqishem edhe PSD ne Shkoder me Tom Doshin. “Hija” e vetme e mundshme ne kete rikandidim te pritshem te Cobajt, eshte terheqja e tij nga lista e PD Shkoder si shenje pakenaqesie per vendin e caktuar nga Basha.
Duket akoma heret, por burime brenda PD-se i thane ShkodraWeb se ndoshta rivali kryesor i Cobajt do te jete nje grua dhe pikerisht krahu i djathte i tij brenda partise, Greta Bardeli Gjoni. Sipas burimeve, kryetarja aktuale e Qarkut po lobon fuqishem ne 5 grup-seksionet e qytetit dhe 10 grup-seksionet e fshatit, nisur edhe nga lidhjet per shkak te pozicionit shteteror. Bardeli shihet si favorite edhe per shkak te pozicionit tjeter si nenkryetare e PD Shkoder. Kryetarja e Qarkut deri ne minutat e fundit u pa edhe si kandidate potenciale per deputete ne listen e 25 qershorit. Ka edhe nje arsye tjeter, te pashkruar por qe pranohen ne heshtje dhe qe lidhet me perkatesine fetare. PD ka qene e kujdesshme qe te balancoje pushtetin politik partiak me ate politik shteteror. Bardeli si perfaqesuese e krahut katolik ne PD, mund te preferohet meqenese kryetarja e Bashkise i perket besimit mysliman, thone burimet e cituara nga ShkodraWeb. Shkurt, eshte koha per “rotacion” ne drejtimin e PD-se lokale. Por ne kete rast, Bardeli eshte edhe kryetare e Qarkut Shkoder, gje qe mund te prishe mbase “skemen” jo zyrtare. Emra te tjere te mundshem qe mund te behen pjese e gares jane edhe ai i Ahmet Omit, ish- nenkryetar i Bashkise por edhe Lorenc Luka, deputet nga 25 qershori, ish- kryebashkiak, ish- kryetar PD dhe ish- kryetar Qarku. Teorikisht, nje peshe specifike pritet te kete ne keto zgjedhje edhe Jozefina Topalli dhe mbeshtetesit e saj eventual, te cilet mbase mund te kerkojne te vihen ne kryesim te deges- nese do te gjejne hapesirat e nevojshme. Po ashtu, nuk perjashtohet ndikimi edhe i kryebashkiakes Voltana Ademi, e cila per hir te realitetit, nuk ka patur gjithmone marredhenie te shkelqyera me kreun e PD-se Cobaj. Gjithsesi, grupseksionet bejne vetem perzgjedhjen e emrave te kandidateve per kreun lokal te PD-se, pasi qe “vulen” emrave qe kthehen per votim ja vendos Kryesia e PDSH-se “de jure”, ndersa “de facto” Lulzim Basha. /ShkodraWeb/