Presidenti rus Vladimir Putin mund të jetë një nga njerëzit “më të mbrojtur në botë”. Shefi i Kremlinit ruhet nga 10 mijë njerëz të cilët janë shkolluar në akademitë më të mira të sigurisë.
Mes tyre ka komando të trajnuar mirë, për të cilët as familjarët e tyre nuk e dinë se me çfarë merren, qindra agjentë dhe sigurimi personal.
Në krye të shërbimit sekret të Putinit që prej 14 vitesh është gjenerali Viktor Zolotov, mbi të cilin është shkruar shumë pak, sidomos për jetën e tij private. Ai njhet edhe si ‘njeriu hije’ i Putinit.
Kur Putin shkon për ndonjë vizitë zyrtare jashtë Rusisë, pjesëtarët e sigurimit vizitojnë atë vend disa muaj më herët për ta inspektuar terrenin.
Ndërkohë një gazetar rus shprehet për “RT” se:
“Edhe pse duket që Vladimir Putin shëtit rrugëve pa ndonjë plan të caktuar, megjithatë, e vërteta është se në ato momente atë e vëzhgojnë mijëra persona që janë pjesëtarë të sigurimit.
Kriteret për të qenë pjesë e sigurimit të tij janë fare të qarta, duhet të jenë 20 centimetra më të gjatë se presidenti, por në të njëjtën kohë të jenë të padukshëm, të shkathët dhe të vëmendshëm”.
