Partia Demokratike zyrtare ka prezantuar kandidatin e e saj për Bashkinë Shkodër në zgjedhjet e 6 mars 2022. Prezantimi është bërë në selinë blu të Shkodrë nga nënkryetari i PDSH- së dhe i Grupit Parlamentar Enkeleid Alibeaj.
Ai shoqërohej edhe nga deputetët e zgjedhur me 25 prill 2021 Greta Bardeli Gjoni, Zef Hila, Ramadan Lika dhe Emilia Koliqi. E papritur ishte prania e sekretarit të degës së PD Shkodër Aleksandër Marleci, i cili më herët ishte pozicionuar në krah të ish- kryeministrit Berisha dhe lëvizjes së tij.
Prezantimi zyrtar është bërë para mediave por edhe të pranishmëve në selinë e PD- së nga Enkelejd Alibeaj, i cili ka nënvizuar se përballë kanditatit do të jenë dy të majta, PS dhe LSI. Në vijim, ai i është përgjigjur edhe pyetjeve të gazetarëve të pramishëm.
Para mediave ka folur edhe kandidati Xhemal Bushati, i cili ka treguar arsyet qe e shtynë për të kandiduar me 6 mars. Ai ka thënë mes të tjerave se ka qenë një kërkesë e demokratëve por edhe e qytetarëve për të kandiduar në këto zgjedhje të pjesshme vendore.
Kandidati Xhemal Bushati ka qenë kryetar i Këshillit Bashkiak Shkodër deri më 30 qershor 2019, kur pas zgjedhjeve dhe mospjesëmarrjes së PD- së në atë garë, i liroi vendin përfaqësueses së PS- së në krye të institucionit socialistes Brisela Kadia Truma.
Siç dihet, deri tani janë publikuar tre emra për kandidat për kryetar Bashkie në Shkodër. Përveç Bushatit, është zyrtarizuar Bardh Spahia i koalicionit tashmë të miratuar nga KQZ- ja “Shtëpia e Lirisë” me LSI, PDK dhe Komisionin e Rithemelimit të PD- së si dhe, Majlinda Angoni kandidate e Partisë socialiste dhe prefekte e Qarkut Shkodër aktualisht.
Në ditët në vijim, me afrimin e datës zyrtare për nisjen e fushatët elektorale që do të jetë më e shkurtër se zakonisht, pritet edhe prezantimi i dy kandidatlve të tjerë Bardh Spahia dhe Majlinda Angoni.
Për herë të parë në 31 vite, duket se po përsëritet skema e vitit 1996, kur përballë janë dy kandidatë të djathtë: Bardh Spahia dhe Xhemal Bushati. Këtë herë, madje pjesë e të njëjtës familje politike, siç është Partia Demokratike, e cila nga 9 shtator 2021, mund të konsiderohet e ndarë në dy pjesë. /ShkodraWeb/