Rënia e ndjeshme e temperaturave dy ditët e fundit në qarkun e Shkodrës, ka rikthyer reshjet e borës në zonat malore. Sipas raportimeve për ShkodraWeb, këtë mbrëmje reshjet kanë nisur me intensitet në zonën e Bogës.
Sipas të njëjtave burime, reshje bore kanë filluar edhe në zonën e Thethit. Ndërkohë, mjetet e mirëmbajtjes së këtyre akseve malore, kanë nisur punën për pastrimin nga bora të akseve rrugore.
Për drejtuesit e mjeteve që udhëtojnë në këto akse malore, këshillohet lëvizja me zinxhirë ndërsa nuk shfaqen problematika për qarkullimin e mjeteve, pavarësisht rifillimit të reshjeve të borës.
