Një situatë paniku është krijuar rreth mesditës së sotme në qytetin e Shkodrës. Në rrethana që mbetet të sqarohen, një makinë ka marrë zjarr dhe më pas ka shpërthyer. Sipas dëshmitarëve në vendngjarje, makina e parkuar para shtabit elektoraë të LSI- së, është përfshirë nga flakët. Më pas, është dëgjuar edhe një shpërthim.
Fatmirësisht, nuk ka ka patur përhapje të flakëve, edhe pse në parkim kishte edhe mjete të tjera. Ka qenë ndërhyrja e shpejtë e zjarrëfikëseve të Shkodrës që ka parandaluar më të keqen e mundshme. Sipas informacioneve paraprake që mbetet të saktësohen nga ekspertët, makina që ka shpërthyer duhet të ketë patur ndonjë problem në rrjetin elektrik.
