Ndërsa mbështetës po mblidhen çdo ditë në rrugën pranë banesës së liderit të opozitës, Sali Berisha, sot shkuan edhe oficerët e policisë, për të kryer zbatimin e vendimit të gjykatës, që parashikoi monitorimin nga policia të kreut të opozitës.
Efektivët e policisë, të ngarkuar për verifikimin nëse po e kryen Sali Berisha masën e sigurisë, kanë shkuar që në orët e para të mëngjesit.
Pas kontaktit në banesën e liderit të opozitës janë larguar sërish. Prej datës 30 dhjetor, lideri i opozitës, Sali Berisha është vendosur në masën e sigurisë “arrest shtëpie” nën mbikëqyrje policore, çka i ka penguar aktivitetin e përditshëm politik.
Por në mungesë të daljes së liderit të opozitës kanë qenë demokratët ata që kanë shkuar çdo ditë pranë banesës së tij, në rrugën “Mustafa Matohiti” në kryeqytet.
