Gjon Dukgilaj, biznesmen i njohur, pronar i kompleksit “Tradita Gegë&Toskë” në Shkodër, tashmë është pozicionuar publikisht në krah të Benet Becit për garën e 14 majit 2023 për bashkinë Shkodër.
Ai ka shpërndarë një video mesazh të përgatitur nga ai vetë në mjediset e biznesit të tij, duke i bërë thirrje operatorëve turistikë, banorëve të Shkodrës e sidomos dukgajinasve, të mbështesin me votë Benet Becin.
Dukgilaj e konsideron kandidatin socialist si “menaxher internacional dhe që nuk ka lidhje me politikën”. Më poshtë video mesazhi i shpërndarë nga biznesmeni i njohur në sektorin e turizmit.
