VIDEO – Lëndë plasëse makinës së 31 vjeçarit, punonte ekonomist në një kazino në qytet…

Policia e Vlorës po kryen hetime se kush ia ka vendosur eksplozivin në makinë gjatë natës, Ermal Kasës, 31-vjeçarit, që jetonte e punonte prej pak kohësh në qytet. Makina ishte e parkuar dhe nuk pati viktima.

Sipas burimeve, Kasa është nga Elbasani dhe punon ekonomist në një kazino në Vlorë. Njihet si person i qetë dhe dyshohet se shpërthimi mund të ketë lidhje me ndonjë konflikt në vendin e punës.

Policia e Vlorës paraprakisht njoftoi vetëm se: “Më datë 30.5.2022, rreth orës 2:55, në lagjen “Pavarësia”, Vlorë, në automjetin tip “Audi”, në pronësi të shtetasit E. K., 31 vjeç, banues në Elbasan, ka shpërthyer një sasi lënde, e dyshuar eksplozive, ku si pasojë ka vetëm dëme materiale.

Grupi hetimor ndodhet në vendngjarje dhe po punon për zbardhjen e plotë të rrethanave të ngjarjes.”