Presidenti, Ilir Meta, përsëriti nga Shkodra apelin drejtuar qeverisë për reflektim dhe zbatim të marrëveshjes së 5 qershorit. Në të kundërt, Meta paralajmëroi se Presidenti dhe as shqiptarët nuk mund të pranojnë poshtërimin nga një sekt si Rilindja.
Meta: Do zoti Tao president të unitetit, të respektojë marrëveshjen e 5 qershorit. Nuk duan ta respektojnë, pastaj Presidenti do të jetë i gjithë shqiptarëve dhe gjithë socialistëve që nuk mund të pranojnë këtë lloj poshtërimi nga një sekt. Shqipëria do të ketë vetëm një Rilindje, Rilindjen Kombëtare të Luarasit. Shumë shpejt kjo farë e keqe që shpiku këtë lloj rilindje do të marrë përgjigjen. Shpresoj në reflektim dhe thellim.
I pyetur nga gazetarët nëse Presidenti ka një plan për rrëzimin e qeverisë, Meta u shpreh:
Meta: Qeveria është rrzuar prej kohësh por ju ose nuk e shikoni apo nuk doni ta shikoni. Ka zero legjitimitet. I ka vërë kazmën marrëveshjes së 5 qeshorit, kujton se me presione, blerje dhe frikësime do mund të minimizojë humbjen e vet.Unë jam me 5 qershorin.
Meta mohoi që ai po sillet si kandidat për kryeministër.
Meta: Unë jam president, do ti dal për zot shtetit. Këto janë gjërat më të parëndësishme si politikan. Kam qenë kryeministër para 20 vitesh dhe jam krenar që gjysma e rrugëve janë bërë atëherë. Nuk kam këtë shqetësim, kam ikur nga kryeministër se Fatos Nano donte me patjetër të bëhej president. Nuk jam i penduar. Me hir a me pahir, do ti çelim negociatat dhe çdo pengese do ti vëmë shkelmin. Me çështjet e demokracisë nuk bëj asnjë kompromis. Për integrimin, Shqipëria nuk është vonuar në asnjë lloj momenti nga Ilir Meta.
Presidenti tha se të vetmin borxh që i ka Shqipërisë është të kthejë sundimin e popullit përmes referendumit. Sa i takon gatishmërisë së Ramës për tu përballur me të në debat, ai u shpreh.
Meta: Me gjithë qejf, po e pres që tani.
Sakaq presidenti i adresoi mazhorancës disa pyetje në përgjigjë të akuzave të eksponentëve të saj tij përgjatë ditëve të fundit.
Meta: Kam unë një pyetje. Pse janë kundër 5 qershorit, zgjedhjeve të lira dhe të ndershme, pse janë për bllokimin e çeljes së negociatave? A ka ndryshuar gjë programi i PS? Pse vënë në diskutim sovranitetin e Kosovës me deklaratat e telekomanduara në kuvendin e Kosovës të tij se do të kemi në pak vite një president të përbashkët, që do të thotë se nuk ka nevojë të kemi më një Kosovë të pavarur dhe njohjen e mëtejshme të saj. Pse hodhën në gjyq kryeministrin e Kosovës?
Pas disa muajsh, pse tërhiqen? Sepse do të provoheshin përpjekjet për ndarjen e Kosovës. Harruan socialistët që patën një rol historik për pavarësimin dhe lirinë e Kosovës. Presidenti ka qenë, është dhe do të jetë i popullit, interesit kombëtar, i Kushtetutës. Thonë se presidenti po dëmton Shqipërinë, jashtë. Kam një pyetje. Kush i ka çuar çështjet në Venecia, presidenti apo pseudomazhoranca? Dy herë shkelësit dhe shkatërruesit e Shqipërisë e çuan Presidentin atje ngaqë kanë qenë të suksesshëm me blerjen e disa ndërkombëtarëve, menduan se do të blejnë një opinion gjysmak.
