Këto janë pamjet nga protesta e familjarëve të 8-vjeçarit Mateo Vasiu gjatë mëngjesit të sotëm përpara dyerve të burgut të Vlorës, aty ku mbahet autori i krimit të rëndë Klodian Çalamani.
Siç shihet nga pamjet, një prej familjarëve ka hipur sipër derës duke tentuar të hyjë brenda ambienteve të burgut.
Policia ka kërkuar që familjarët të tërhiqen. Familjarët e viktimës bënë thirrje që autori që qëndron në izolim, Klodian Çalamani të nxirret jashtë dhe të japë arsyen se pse e vrau 8-vjeçarin.
Pas protestës përpara dyerve të burgut, familjarët e 8-vjeçarit marshuan në rrugët e Vlorës me pankarta nëpër duar duke kërkuar drejtësi për Mateon.
