“Ne do të luajmë përsëri”, ishte motoja e Ditës Ndërkombëtare të Sportit për Zhvillim dhe Paqe, organizuar sot në Shkodër nga Bashkia Shkodër në bashkëpunim me shoqatën “Special Olympics Albania” dhe shkollës speciale “3 dhjetori”.
Sheshi bashkisë është mbushur me fëmijë të moshave të ndryshme, të cilët kanë patur mundësi të argëtohen në disa disiplina sportive.
Dita Ndërkombëtare e Sportit për Zhvillim dhe Paqe paraqet një mundësi për të njohur rolin që luan sporti dhe aktiviteti fizik në komunitete dhe në jetën e njerëzve në të gjithë botën.
Sporti dhe aktiviteti fizik gjithashtu mund të na ndihmojnë të kalojmë periudha krizash, si COVID19, duke zvogëluar ankthet dhe duke përmirësuar shëndetin fizik dhe mendor.
