Kreu i PD-së Lulzim Basha ka dalë sot para mediave duke përgëzuar Prokurorinë e Krimeve të Rënda për operacionin në Vlorë, Shërbimin Informativ Shtetëror dhe partnerët e huaj. Por ndërsa Policia e Vlorës deklaroi se është kapur 4.5 ton drogë, Basha i bëri thirrje prokurorisë të administrojë provat dhe të arrestojnë autorët.
“Dua ta nis më një përgëzim për Prokurorinë e Krimeve të Rënda, SHISH dhe partnerët e huaj të cilët bënë të mundur kapjen e një sasie droge rekord në Vlorë, pronë e klanit Tahiri-Habilaj- Rama dhe iu bëj thirrje organeve të prokurorisë të veprojnë pa vonesë për vënien në administrim të provave dhe arrestimin e autorëve. Organet e drejtësisë duhet të veprojnë pa vonesë për të vënë pas hekurave anëtarë të klanit Habilaj”, deklaroi Basha.
Kryetari i PD, Lulzim Basha ka deklaruar për mediat se shkrirja e Drejtorisë së Policisë së Elbasanit është pavend, pasi sipas tij i pari që duhej larguar është drejtori i Përgjithshëm i Policisë së Shtetit, Haki Çako.
“Ka kaluar një muaj që unë kam denoncuar me revoltë të madhe ngjarjen e tmerrshme të Elbasanit, që tregoi me zë dhe figurë sesi ky shtet është vënë përfundi nga mafia. Veprimet e ndërmarra sot, nuk janë thjeshtë të vonuara, por të pavend, Çako në mos të ishte dorëhequr, duhet të ishte shkarkuar, ai dhe kupa duhet të ishin vënë përpara drejtësisë”, u shpreh Basha.
https://www.facebook.com/lulzimbasha.al/videos/1664648830252958/
[democracy id=”4″]
