Të shtunën e kaluar, futbolli i vajzave por edhe në përgjithësi, është tronditur nga një ngjarje mjaft e rëndë. Në Ditën Ndërkombëtare Kundër Dhunës ndaj Femrave, Në tiranë është konsumuar një incident i rëndë.
Një sherr masiv ka degraduar deri në dhunë mes sportisteve dhe drejtuesve të dy kluvebe, Tiranës dhe Vllaznisë. Nga ai moment, në rrjetet sociale kanë qarkulluar shumë versione mbi ngjarjen, duke kaluar “topin” e fajësisë dhe shkakur të dhunës.
Ka patur edhe dalje zyrtare për shtyp, nga Tirana edhe me audio- video, ndërsa Vllaznia është mjaftuar me një publikm në rrjetet sociale. Ditën e sotme, ka dalë para mediave vetë presidenti i KFF Vllaznia Lazer Matija.
Në një rrëfim të gjatë rreth 15 minuta, Matija ka shpjeguar para gazetarëve situatën e krijuar, duke lënë të kuptohet se e gjitha ka qenë një inskenim i ekipit pritës, i cili nuk kishte plotësuar as kushtet e protokollit të zhvillimit të ndeshjes.
Matija ka thënë se në çdo rast përgjegjësia është e ekipit pritës, ndërsa vajzat dhe stafi i Vllaznisë, janë përpjekur të mbrohen dhe të mos dëmtohen nga dhuna, e cila është nisur nga Tirana.
Presidenti Matija nuk ka treguar interes të vaçantë për vendimet e pritshme të Komisionit të Disiplinës së FSHF- së, duke kërkuar të ndëshkohen individët që mund të kenë ushtruar dhunë.
Duke pohuar se incidente të tilla nuk lënë shije të mirë as në futbollin e vajzave dhe atë në përgjithësi, Matija i ka bërë thirrje tifozëve të dy skuadrave, të mos ndikohen në vijimësi. /ShkodraWeb/
