Sot Faruk Kalleshi, sportisti dhe trajneri model i “sporteve të rënda”, i dekoruar me urdhrin e lartë “Nderi i Kombit”, feston sot ditëlindjen. Urimet janë të shumta për këtë kampion në sport dhe në jetë, por më i veçanti është ai i “shoqes së jetës”, Liljana Kalleshi, “Mjeshtre e madhe”:
77 vjet mbushe shoku im, nuk më besohet, është çudi se si vitet ikin kaq shpejt. Kishim vite të bukura, plot pasion dhe dashuri, arritëm shumë lart në jetët tona.
Kujtoj kur ishim fëmijë kur stërviteshim bashkë në cirk. Të kisha shok të mirë dhe nuk e mendoja se do ishe edhe burri im. U martuam në një dhomëz të vogël dhe ndërtuam me shumë sakrifica shtëpinë tonë me nipër dhe mbesa.
Kur mbaruam misionin tonë me shumë sukses në art dhe në sport mendova se ishte koha për pushim, për pensionim siç thonë, po për ne nuk mund të ndodhte.
Ti arrite majat si trajner me shumë mund dhe pasion por edhe luftë xhelozie për arritjet e tua, ndersa na ndihmoje të arrinim majat edhe në një fushë tjetër të re, atë të dobësimit. Qendra jonë, Kalleshi Center, arriti suksesin jashtë kufinjve.
Dhe tani 77 vjeç, ti sërisht nuk do të ndalosh dhe une do të ndjek serisht pas, e shoh që objektivi yt i ri është nipi yt, Milan, sepse ai të ngjan shumë, struktura fizike, temperamenti deri edhe ecja e tij me heq mallin tënd kur ishe i ri.
Të uroj veç shëndet e jetë, unë do të të ndjek gjithmonë pas shoku im i jetës, dhe ti do më premtosh qe kurrë nuk do te shohesh numrat, ajo 77 është një numër dhe numrat janë të pafundëm.
Rrudhat tonë e tregojnë moshën por zemra ime sërisht me thote të të them se të dua shumë. Gëzuar ditëlindjen Faruk Kalleshi.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
