Një 28-vjeçar është vrarë me armë zjarri mbrëmjen e sotme në zonën e Kinostudios në Tiranë, dyshohet për hakmarrje, pasi babai i tij është i dënuar me burgim të përjetshëm. Policia konfirmon se viktima është Marjo Majollari, i datëlindjes 1990. Ai është ekzekutuar poshtë banesës së tij, në një zonë pa ndriçim.
Mësohet se i riu kishte pak kohë që ishte kthyer nga Suedia, ku kishte shkuar në vitin 2015 për të kërkuar azil, pasi sipas pretendimit të tij, ishte i kërcënuar për hakmarrje. Grupi hetimor ka mberritur brenda pak minutash ne vendngjarje dhe po sekuestron e grumbullon çdo prove per te identifikuar dhe perballur me drejtesine autoret e krimit. Forca te shumta policie kane ngritur pika kontrolli ne zone, si dhe ne te gjitha rruget lidhese me vendin e ngjarjes.
