Fillimisht shumëkush nuk besoi tek aftësitë e saj por sot, Alma Hilaj, ish- futbollistja e “Juban Danja”, është pjesë e ekipit italian CF Florentia të Firences. Kjo skuadër militon në Serinë B të futbollit të femrave të këtij vendi dhe këtë sezon ka objektiva serioze për t’u ngjitur në Serinë A. Hilaj luan si mesfushore dhe ka mbërritur para një vit në Itali pranë familjarëve të saj.
Menjëherë është provuar tek ky ekip dhe drejtuesit e tij ndonëse lojtarja ka patur moshë të re, e kanë inkuadruar tek ekipi i të rejave dhe madje duke i dhënë edhe shiritin e kapitenes sepse kanë vlerësuar shumë gjëra tek ajo. Shqiptares i ka mjaftuar vetëm një sezon me të rejat dhe drejtuesit e ekipit të parë e kanë marrë në rradhët e tyre ndonëse është vetëm 17 vjeçe duke qenë futbollistja më e re e ekipit. Por afrimi me ekipin e parë nuk është bërë rastësisht. Stafi teknik vëren shumë gjëra pozitive tek Alma Hilaj. Jo më kot, në ndeshjen e javës së dytë të kampionatit, atë Molassana Boero- CF Fiorentia të fituar nga kjo e fundit me rezultatin 2-0, e kanë aktivizuar në pjesën e dytë në fushë futbollisten nga Shqipëria. Nga java në javë ajo pritet të fitojë edhe vendin e titullares dhe ky padyshim që është një sukses për të. /shkodrasport/
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin! Bashkohu me kanalin e SHKODRAWEB në Whatsapp, mjafton të klikoni Kontaktoni për lajmet më të fundit direkt në celularin tënd.
Ju mirëpresim!
