Me gjasë vite më parë martesa shihej si finalizimit i suksesit në jetën e dikujt, por tashmë ashtu sikurse në shumicën e shteteve në botë edhe në Shqipëri njerëzit nuk preferojnë martesën. Më mirë le të themi, martesat janë rralluar. Nga të dhënat e INSTAT në zyrën e gjendjes civile për të gjithë territorin e vendit janë të regjistruara 22.600 martesa për vitin 2016, duke e ulur raportin në 1/10 krahasuar me një vit më parë.
Por cili është qyteti shqiptar që shënon numrin më të lartë të martesave për banorë. Me një mesatare prej 9.5 martesash për 1000 banorë në vitin 2016, Lezha rezulton qarku ku personat martohen më shumë në Shqipëri. Por po ashtu Lezha ka regjistruar edhe numrin më të lartë të lindjeve, përkatësisht me 15.5 lindje në 1000 banorë.
Lezha ndiqet nga Berati me 8.6 martesa për 1 mijë banorë, ndërkohë kryeqyteti shqiptar renditet nën mesataren e përgjithshme.
Kryeqyteti mjaftohet me vetëm 6,6 martesa për 1 mijë banorë. Dhe duke marrë parasysh që kryeqyteti është edhe qarku me numrin më të lartë të banorëve, atëherë kjo shifër është relativisht e ulët.
Në rang kombëtar është regjistruar një mesatare prej 7,7 martesa për 1 mijë banorë me një total prej 22 mijë e 600 celebrime. Një ulje me pothuajse 1/10 ose 9.7% krahasuar me të njëjtën periudhë të dy viteve më parë.
Mendohet se ulja e mesatares së martesave dhe lindjeve në rang kombëtar vjen edhe si rezultat i ekonomisë së ulët, tashmë martesa dhe rritja e një fëmijë shikohet si risk.
