“Shpresoj të shpërblej besimin e trajnerit Jonuz”, pas nënshkrimit me Vllazninë, flet sulmuesi maqedonas Hristov

Sulmuesi Simeon Hristov që ka firmosur mesditën e sotme për KF Vllaznia, ka thënë edhe fjalët e para si futbollist kuqeblu. Në një prononcim për faqen zyrtare të klubit ai ka deklaruar:


“Jam shumë i lumtur që jam pjesë e Vllaznisë dhe pjesë e familjes së Vllaznisë dhe shoh që gjithçka duket mirë në këtë fillim dhe shpresoj që gjërat të shkojnë mbarë”.

27 vjeçari ka disa ditë që stërvitet me skuadrën dhe i pyetur se cilat kanë qenë përshtypjet e tij të para rreth saj, shprehet:

“Kam konstatuar që në skuadër ka lojtarë shumë të mirë, kushtet janë të mira, po ashtu edhe stafi është i mirë, ndërkohë që me trajnerin Mirsad Jonuz kam një njohje prej vitesh dhe e vlerësoj për vlerat dhe karrierën e tij.

Ai është arsyeja kryesore pse unë jam sot këtu dhe ajo çfarë do të mundohem të bëj unë është që t’ia shpërblej këtë besim që ka shfaqur ndaj meje”.

Vllaznia e gjysmës së parë të sezonit problemin e saj kryesor ka patur sulmin dhe i pyetur në lidhje me këtë çështje dhe a premton golat e munguar për skuadrën kuqeblu, Hristov përgjigjet: “Unë premtoj se do të bëj maksimumin për këtë gjë dhe jam i bindur se gjërat do të shkojnë mirë”.

Për të afishuar reklamën apo njoftimin tuaj në ShkodraWeb Media mund të kontaktoni duke klikuar ShkodraWeb Media dhe menjëherë do të kontaktoheni nga stafi. ShkodraWeb Media ju mirëpret!