Shkruan në Facebook Bardh Spahia, kryetar i Bashkisë Shkodër: Shkodra është shtëpia e talenteve dhe padiskutim të rinjtë e saj na bëjnë krenar me arritjet e tyre.
I tillë është edhe shembulli i maturantit të ekselencës Igzon Hoti, që falë talentit dhe aftësive krijuese na ka mahnitur me punën e bërë për krijimin e mjeteve fluturuese.
Igzoni ka krijuar një avion të pajisur me kamër që përdoret për survejim dhe zbulim, ndërsa që në moshë të vogël teknologjia ka qënë pasioni i tij. E prita me kënaqësi bashkë me dy prindërit e mrekullueshëm në zyrën time, ku më njohu në detaje me shpikjet e bëra. Duke përgëzuar prindërit për djalin që kanë rritur dhe edukuar, si dhe vetë Igzonin për shembullin që na jep, i ofrova të gjithë mbështetjen time dhe të Bashkisë Shkodër në këtë rrugë të nisur, që ka sfidat dhe vështirësitë e saj.
Të tilla ide dhe këto shembuj fantastik që na ofrojnë këto të rinj të talentuar, janë sfida e të gjithëve ne, për t’i mbështetur në rrugën e nisur, por edhe për të punuar fort që e ardhmja e tyre të ndërtohet në Shkodrën tonë.
