Disa të shtëna me armë zjarri janë dëgjuar pak minuta më parë në zonën e Selitës në Tiranë, tek stacioni i fundit i ‘Tiranës së Re’ pas një sherri mes dy grupeve. Nga të shtënat me armë zjarri dyshohet se kanë mbetur të plagosur dy persona.
Dëshmitarët okularë kanë parë dy të plagosur të merren me ambulance dhe thonë se dy grupe janë zënë me njëri-tjetrin dhe më pas kanë nxjerrë armët. Mësohet se një nga të plagosurit është Gjon Pelivani, i cili ka mbetur i plagosur në këmbë.
Forca të shumta të policisë kanë mbërritur në vendngjarje dhe kanë nisur hetimet për zbardhjen e plotë të shkaqeve dhe motiveve të ngjarjes. /balkanweb.com/
