Deputeti demokrat Romeo Gurakuqi paraqet platforme per reformimin e DAR Shkoder

Deputeti i Shkodres Romeo Gurakuqi eshte bere pjese e diskutimit te informacionit virtual lidhur me ndryshimet e pritshme ne Drejtorine Arsimore Shkoder. Deputeti demokrat ka shkruar nje status lidhur me kete teme, duke prezantuar edhe nje menyre te mundshme te perzgjedhjes se drejtuesit te ri te arsimit ne rajon. Gurakuqi shkruan: “Drejtimi i Arsimit ne Qarkun e Shkodres duhet te mbetet vetem ne duart e profesionisteve. Nje aradhe e tere mesuesish dhe profesionistesh te drejtimit te arsimit ne krahine, kane krijuar nje trashegimi qe duhet respektuar dhe çuar perpara. Asnje projektim politik per drejtimin e DAR, te krahines pionere te arsimit shqiptar, nuk eshte i pranueshem nga komuniteti i mesuesve dhe prinderve. Cdo emerim i ri ne Drejtorine Arsimore Rajonale Shkoder do te duhet te kaloje permes nje keshillimi profesional, nje Bordi te Konferences Arsimore te Shkodres. Koha e aventurave politike ne arsim ka marre fund dhe kerkoj mirekuptim te plote nga organet vendimarrese, per te respektuar mendimin e profesionisteve. Edukimi cilesor i femijeve duhet te mbetet prioriteti i pare nga do te duhet te filloje puna e organeve qendrore dhe krahinore. Asnje eksperiment kuadrovik nuk mund te projektohet me ne vitin 2017. Po ashtu, asnje vonese nuk mund te ndodhe me ne projektimin e infrastruktures arsimore regjionale, nderkohe qe pergatitet buxheti 2018. Kahu i veprimit projektues dhe metodologjia e punes duhet te operoje: 1. nga periferia drejt qendres; 2. sipas impaktit ne komunitet dhe sipas numrit te nxenesve”. Deputeti Romeo Gurakuqi ka dhene opinionin e tij publikisht per nje teme me ndjeshmeri te larte publike, teksa duket se nje pjese e propozimeve te tij, mbase me emertesa ndryshe, jane perdorur edhe per zgjedhjet ne krye te DAR Shkoder te Erjeta Lacej para disa koheve. /ShkodraWeb/