Pavarësisht protestës së dhunshme dje në Kukës, ku disa qytetarë tubuan pranë sporteleve të biletarive ku kundërshtonin taksën për Rrugën e Kombit, kryeministri Edi Rama nuk tërhiqet nga vendimi. Në një konferencë me gazetarët, Rama theksoi se vendimi për taksën 5 euro është i pakthyeshëm, ndërsa pohoi se për qytetarët e Kukësit do të ketë tjetër tarifë.
“Kontrata thotë se në 6 muaj tregon përdoruesit e shpeshtë. Trajtimi i këtyre që e përdorin shumë radhë do të jetë i posaçëm për ata që janë në Kukës. Ata që e përdorin radhë do e paguajnë dhe kjo ska diskutim. Kontrata vet është e përgjithshme dhe nuk jep detaje për 120 mijë eurot që do t’i jepen bashkisë së Kukësit. Ne jemi në anën e interesit t banorëve, por jam i bindur se do të gjejmë rrugën e arsyes. Rruga do të jetë me pagesë, 5 eurot nuk diskutohen. Për banorët e zonës do të ketë trajtim tjetër”, tha Rama.
