Nga dita e sotme, Radio Shkodra, e para dhe kryesorja në Veri dhe ndër më të preferuarat edhe në Shqipëri e jashtë saj, do të futet në erën digjitale. Radio Shkodra bëhet pjesë e platformës digjitale RTSH dhe mund të ndiqet nga çdo televizor me sistemin DVB T2 ose me dekoder të këtij sistemi.
Lajmin e ka dhënë përmes një postimi në Facebook vetë Drejtori i Përgjithshëm i RTSH-së Thoma Gëllçi. Në postimin e tij, Gëllçi shkruan:
“Edhe radio Shkodra prej sot u fut ne rrjetin e RTSH të transmetimeve digjitale në tokësore në DVB-T2, në satelit si dhe në platformën OTT në aplikacionin RTSH TANI?. Rreth 500 mijë shqiptarë anë e mbanë globit kanë shkarkuar në telefonat e tyre celulare ne Android dhe IOS këtë aplikacion. Radio Shkodra është kanali i 12 radiofonik i kësaj platforme. Shkodranët,dhe jo vetem ata kanë mundësi që ta dëgjojnë radio Shkodrën kudo që ata janë, duke e patur një copë Shkodre gjithmonë në xhep bashkë me celularin.?
Bashkë me 15 kanale televizive , oferta e RTSH sot eshte më e plota dhe më e fuqishmja ne vend.
Aplikacioni RTSH TANI mund të shkarkohet falas ne Google Play per sistemet android dhe App store per sistemet IOS.”, shkruan Gëllçi. Radio Shkodra është një pasuri e padiskutueshme e medias por edhe kulturës shkodrane e shqiptare. Përtëritja e saj, në kuptimin e përafrimit me standartet me të larta teknologjike, është një lajm i mirë për të gjithë.
Por nuk do të ndalet këtu. Po punohet që përveç sinjalit të radios, të ndërtohet edhe televizioni RTSH Shkodra, i cili do ti shtohet kanaleve të tjera në këtë platformë. /ShkodraWeb Media/
