Një plagosje me thikë ka ndodhur këtë të mërkurë në lagjen Rus në Shkodër. Nga vendngjarja bëhet me dije se i plagosuri është qëlluar me thikë dhe është dërguar në spital.
“Shqiponjat” e Shkodrës mësohet se kanë shoqëruar autorin e dyshuar. Ndërkohë, i plagosuri është jashtë rrezikut për jetën. Ende nuk dihen motivet e plagosjes dhe emrat e personave të përfshirë. Policia nuk ka dalë me një informacion zyrtar mbi ngjarjen.
NJOFTIMI I POLICISË
Plagosi me mjet prerës (thikë), një 38-vjeçar, pas një konflikti të çastit, identifikohet dhe shoqërohet menjëherë nga Policia, autori i dyshuar.
Rreth orës 11:30, në lagjen “Rus”, dyshohet se pas një konflikti të çastit, është plagosur me mjet prërës (thikë), shtetasi Artan Bobnaj, 38 vjeç, banues në fshatin Bardhaj, Shkodër, i cili ndodhet në spitalin e Shkodrës, në kujdesin e mjekëve.
Menjëherë pas marrjes së njoftimit, shërbimet e Policisë kanë organizuar punën, me qëllim zbardhjen e rrethanave të këtij rasti, si dhe për identifikimin dhe kapjen e autorit.
Falë veprimeve të shpejta dhe profesionale operacionale, shërbimet e Policisë identifikuan dhe shoqëruan menjëherë në ambientet e Policisë, autorin e dyshuar të kësaj ngjarjeje, shtetasin Musa Çinari, 78 vjeç, banues në lagjen Partizani, Shkodër, për kryerjen e veprimeve të mëtejshme procedurale.
Grupi hetimor vijon punën për zbardhjen dhe dokumentimin e plotë ligjor të këtij rasti.
