Një aksident i rëndë ka ndodhur mesditën e sotme në Shkodrës, ku një fugon është përplasur me një makinë. Aksidenti ka ndodhur në aksin Shkodër- Koplik në afërsi të fshatit Shtoj i Ri.
Mësohet se fugon pasagjerësh, i cili drejtohej nga Idriz Metvelaj është përplasur me një autoveturë të tipit “Opel”, e cila drejtohej nga Pal Gjolaj, emigrant në Itali. Si pasojë e aksidentit kanë mbetur disa të lënduar, ku në gjendje të rëndë janë dy drejtuesit e automjeteve, të cilët dërguar në spitalin e Shkodrës.
Grupi hetimor është në vendngjarje dhe po punon për zbardhjen e shkaqeve të aksidentit, ku paraprakisht dyshohet mosrespektimi i rregullave të qarkullimit.
