Nga Luigj Mila
Këtu janë tri shtëpi-familje, pjesë e Projektit Shpresa. Aquilone (Balona), Gabbiano (Pulëbardha) dhe Nido (Foleja).
Këtu jetojnë 18 persona.
Ata kanë dy netë pa drita, megjithëse i paguam para 6 orësh ende s’janë lidhur.
Atyre ju mungojnë shumë gjëra të cilat për fat të keq ne nuk mund tua japim. Nuk mund tua kthejmë as familjen, as shëndetin. Por së paku dritat mund tua ndezim. Ne mund të jemi aq të përgjegjshëm saqë tua ndezim dritat. Ashtu siç gjetëm kohën për ti këputur, duhet ta gjenim edhe për ti lidhur. Ndoshta ata nuk i paguaj në kohë por gjithmonë i paguajn. Fundja me se ti paguajn? Me pensionet e tyre qesharake që nuk mjaftojnë as për tu ushqyer? Megjithëse një pjesë aq që e kanë këtë pension dhjetë mijë lekësh. Si mundet që shteti të lënë pa drita Tanin, Leon, Benin, Rustemin, Skënderin etj.? Pa drita do të thotë pa ujë, pa ushqim, pa higjenë. Pa drita ata nuk komunikojnë, nuk informohen, nuk argëtohen. Pa drita ata nuk jetojnë dot. Prandaj po ju lutem ndezuani dritat këtyre fëmijëve! Nëse nuk vendosni dot drejtësi, së paku kini pak mëshirë. Kushedi, ndoshta një ditë lutjet e këtyre femijëve jetimë dhe të sëmurë, do u bëjnë mirë ju dhe fëmijëve tuaj.
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
