Nis mbledhja e Keshillit qe do te vendose arrestimin e Tahirit, Prokuroria kerkon paraqitjen e provave te reja

Këshilli për Rregulloren dhe Mandatet eshte mbledhur sot në orën 10:00, ku do të vendoset fati i ministrit Saimir Tahiri.

Prokuroria e Krimeve të Rënda i është drejtuar Këshillit me kërkesën për heqjen e imunitetit të Tahirit, me qëllim arrestimin e tij, pas dyshimeve se mund të jetë i përfshirë në trafikun e lëndëve narkotike. Organi i akuzes ka kerkuar paraqitjen e provave te reja te ardhura nga Italia dhe qe implikojne Samir Tahirin.

Sipas prokurorisë ka prova që e implikojnë ish – ministrin me grupin e vëllezërve Habilaj, njëri nga këta të fundit i arrestuar në Itali pak ditë më parë.

Gjatë mbledhjes së Këshillit të Mandateve një ditë më parë, mbrojtja e ish-ministrit Saimir Tahiri kërkoi kohë deri të hënën për tu mbrojtur para provave të Prokurorisë, por Ruci ka vendosur që mbledhja të zhvillohet sot në orën 10:00. Sipas opozitës shtyrja e seancës dëmton procesin dhe prishjen e provave.