Pasi qeveria dēshtoi me reformen e ujit te vitit 2016, në vitin 2022, ndërmori një reformë tjetër në këtë sektor, duke cënuar autonominë vendore, duke ndërhyrë në kompetencat e pushtetit vendor.
Ajo miratoi me VKM antiligjore, përqëndrimin e ujësjellësave në 15 shoqëri rajonale, duke marrë shumicën e aksioneve në këto ndërrmarrje.
Strategjia Kombëtare e Sektorit të Furnizimit me Ujë dhe Kanalizimeve, 2023-2030, parashikon:
Një rritje prej 75% të tarifave të ujit dhe kanalizimeve nga viti 2020 deri në vitin 2030.
Rritja e tarifave, do të jetë burimi kryesor i të ardhurave të ujësjellësave me synim për të mbuluar 100% kostot operative, por edhe 45% të investimeve. Dhe kosto totale e strategjisë është 1.45 miliard euro.
Vendimet e Entit Rregullator të Ujit, për rritjen e tarifave kanë filluar.
Nga muaji shkurt 2024, qytetarët që furnizohen nga Shoqëria Rajonale Ujësjellës-Kanalizime Vlorë, e paguajnë 20 deri 33 për qind më shtrenjte faturën e ujit.
Nga data 5 Prill 2024, qytetarët që furnizohen nga Shoqëria Rajonale Ujësjellës-Kanalizime Lezhë do ta paguajnë nga 12 deri 50 për qind më shumë.
Dhe tashti radhën e ka Ujësjellësi Rajonal i Shkodres, i cili kishte aplikuar për rritje tarife që në muajin shtator 2023, por u refuzua, pasi nuk kishte licencë aktive.
Tashmë licenca është miratuar që në muajin dhjetor dhe qeveria mezi ç’po pret që edhe shkodranët të paguajnë më shumë për ujin dhe kanalizimet.
⁉️Shkodra e rrethuar nga uji në të gjitha anët, duhet të paguajë më shtrenjt!
Ka gati një vit, që askush nuk vjen të lexojë matësit e ujit (sahatat) nëpër shtëpia. Faturimi bëhet aforfe nga zyrat.
Kujdes qytetarë, se sapo të rritet çmimi, do të fillojë edhe leximi dhe gjithë metrat kub që i keni harxhuar, do ju faturohen me çmimet e rritura! Këto janë manovrat e qeverisë “që duam’’, e cila po bën gati edhe këtë sektor ta japë me koncesion! /Nga deputetja e Shkodrës Emilia KOLIQI, publikuar në Facebook/
