Një tjetër aksident është regjistruar para pak minutave në mes të qytetit të Shkodrës. Është i njëjti vend ku një ditë më parë shkaktoi aksident një makinë e policisë bashkiake, në afërsi të Radio Shkodra.
Sipas raportimeve nga vendngjarja, një vajzë që lëvizte me një motoçikletë elektrike, është rrëzuar në mes të rrugës. Sipas dëshmitarëve, dinamika nuk është e qartë, nëse ka humbur ekuilibrin vetë apo është hasur nga ndonjë mjet, ndërsa policia ka dhënë versionin e vet për ngjarjen.
Fatmirësisht, nuk ka probleme për vajzën që u përfshi në aksident.
Shkodër/Informacion paraprak
Rreth orës 11:30, në lagjen “Vasil Shanto”, automjeti me drejtues shtetasin F. H. ka përplasur motorin elektrik me drejtuese shtetasen B. K.
Si pasojë është dëmtuar lehtë shtetasja B. K., e cila është dërguar për mjekim në spitalin rajonal të Shkodrës.
Grupi hetimor po punon për sqarimin e rrethanave të aksidentit.
