Po transportonmin me një makinë tre thasë celofoni të yinj, nga ato që përdoren zakonisht për plehrat. Ky fakt ka ngjallur dyshimet tek qytetarët, të cilët menjëherë kanë njoftuar policinë. Gjatë kontrollit të ushtruar nga uniformat blu, në makinë janë gjetur tre thasë, brenda të cilëve kishte kanabis. Kështu ka përfunduar “aventura” e tre të rinjve, që sipas policisë janë “spiunuar” nga vetë qytetarët. Detajet e aksionit policor, janë bërë të njohura përmes komunikatës që vetë uniformat blu kanë shpërndarë për medit.
Njoftimi i policise
Në vijim të punës për parandalimin dhe goditjen e personave që tentojnë të trafikojnë lëndë narkotike, mbi bazën e një informacioni të marrë nga qytetarët, Specialistët e Seksionit për Hetimin e Narkotikëve dhe Trafiqeve të Paligjshme në Drejtorinë Vendore të Policisë Elbasan arrestuan në flagrancë shtetasit:
• Xh.S., 23 vjeç, banues në Fratar, Mallakastër.
•A.T., 26 vjeç, banues në Darzezë, Fier.
• J.S., 37 vjeç, banues në Fier.
Shërbimet e Policisë gjatë kontrrollit të ushtruar në automjetet e tyre, kanë gjetur rreth 29 kilogramë lëndë narkotike e llojit kanabis, e cila u sekuestrua në cilësinë e provës materiale.
Gjithashtu u sekuestruan dhe 2 automjete e 3 aparate celularë.
Materialet hetimore i kaluan Prokurorisë pranë Gjykatës së Shkallës së Parë Elbasan, për veprën penale ” Prodhimi dhe shitja e narkotikeve e kryer në bashkëpunim”.
