Ky vit ishte paralajmëruar si viti i fundit ku do të flitej për kultivim kanabisi në Shkodër. E në fakt, deri tani nuk ka informacione për parcela të mbjella në territorin e Shkodrës. Megjithatë, ka ardhur edhe njoftimi i parë zyrtar i policia, e cila bën me dije se është zbuluar një e tillë me 38 rrënjë kanabis sativa. Nuk ka akoma një autor, por po punohet për gjetjen e tij.
“Më datë 05.06.2017, në fshatin Mazrrek, në vendin e quajtur “Kodër Zhure”, pronë publike, ambient i hapur, gjatë kontrollit të territorit në një parcelë u gjetën dhe u asgjësuan 38 bimë narkotike të llojit Cannabis Sativa.Punohet për identifikimin e kapjen e autorit. Materialet u referuan në Prokurorinë pranë Gjykatës Shkallës së Parë Shkodër. Neni 284 i Kodit Penal.”, thuhet në njoftimin zyrtar të policisë.
Vlen të theksohet se deri vitin e kaluar, Shkodra mbahej si një nga zonat ku mbillej më shumë bimë narkotike kanabis sativa. Këtë vit mesa duket, sasia e kultivuar ka rënë ndjeshëm ose kultivuesit janë më të kujdesshëm se vitet e shkuara…
Të nderuar lexues dhe vizitorë të portalit tonë! Reklamat që shfaqen, mundësojnë që ShkodraWeb të vazhdojë të jetë e lirë dhe e pandikuar në përcjelljen e të vertetës. Faleminderit nëse i klikoni!
