Mesfushori i Vllaznisë, Ardit Krymi, përveç suksesit në fushat e blerta duket se po rezulton tepër i suksesshëm edhe për sa i përket raportit me femrat, duke shënuar një nga “golat” më të rëndësishëm në jetën personale.
“Panorama Sport” zbulon se 27-vjeçari shkodran së fundmi ka nisur një lidhje dashurie me moderatoren sportive Vjosana Nozllaku. Bukuroshja nga kryeqyteti duket se ka arritur t’i vjedhë “zemrën” futbollistit të Vllaznisë.
Vlen të theksohet fakti se gazetarja sportive është parë thuajse në çdo ndeshje të Vllaznisë në tribunën e “Loro Boriçit”, duke përkrahur partnerin në këtë aventurë me klubin kuqeblu.
Arditi dhe Vjosana janë parë nën shoqërinë e njëri-tjetrit, teksa lidhja duket të jetë e konsoliduar. Tashmë duket se Vllaznia do të ketë një tifoze speciale, në luftën për fitimin e titullit kampion.
