Ka qene i qarte, i vendosur dhe i ashper ne fjalen e tij kryeministri Edi Rama kur foli per “kthimin e vizave” per shqiptaret, nje debat qe eshte hapur pas nje raporti te policise holandeze qe po diskutohet ne Parlamentin e Holandes mbi rritjen e kriminalitetit ne kete vend nga shtetasit shqiptare.
“Ndamë pikëpamjen se përpjekja për të ulur fluksin e azilkërkuesve po jep rezultate inkurajuese dhe sigurisht që sa më takon mua s’ka shqitpar azilkërkues por në kërkim të një pune dhe një jete më të mirë në një treg pune që për shqiptarët nuk është ku të tjerët e kanë.
Refuzoj ta pranoj shënjestrimin e shqiptarëve qofshin ata azilkërkues, qofshin ata që kryejnë krime, e jepet si një arsye për të treguar me gisht Shqipërinë.
Kriminelët janë kriminelë kudo dhe pa dallim, ata duhet të përgjigjen para ligjit kudo dhe pa dallim, s’ka flaumur, s’ka kombësi ka thjesht raport me ligjin. E refuzoj cdo përpjekje politike, mediatike në vendet e rajonit për të treguar me gisht një të ashtuquajtur krim shqiptar, apo ballkanik apo nacional.
Kushdo e merr atë rrugë hyn në një rrugë që ka vetëm humbje, të bëjmë cmos të përshpejtojmë procesin e integrimit dhe të kemi më shumë akses në tregun e lirë të punës”, tha Rama. /panorama/
