Komuniteti egjiptian ne Shkoder i zhgenjyer nga Bashkia: Na premtoi shume, nuk beri asgje

Komuniteti Egjiptian në afërsi të Urës së Vjetër të Bunës në qytetin e Shkodrës duket se është lënë në harresë nga Bashkia Shkodër. Vetë banorët e këtij komuniteti e vënë në dukje një fakt të tillë. Ato shprehen se kanë marrë premtime për të rregulluar shtëpitë, për të sjellë ujin e pijshëm, por asgjë nuk është bërë. Pavarësisht premtimeve situata vijon të jetë e njejtë, ujin e pijshëm e marrin nga lumi Buna.
Një nga banorët e këtij komuniteti është shprehur se po jetojmë në kushte shumë të vështira.
“ As në Afrikë ma merr mendja  se jetojnë kështu, i bëjë thirrje deputetëve të Shkodrës, se kur vjen puna për vota vijnë këtu dhe na qeshin e na thonë a doni me pi gjëra, ulen ee. Kryetarja e Bashkisë duhet të mendojë për këtë komunitet a skanë ujë a skanë drita. Vijnë shtatë herë në ditë për tu pre dritat, po cfarë me ju këput more, është turp”.
Një tjetër banore e këtij komunitetit shprehet e indinjuar për kushtet në të cilën jeton familja e saj dhe komuniteti në tërësi:
“Na kanë premtuar për  të na rregullu shtëpitë, por nuk  na i kanë rregullu. Pimë ujë Bune.I bëjë thirrje kryetares së Bashkisë së Shkodrës  me marrë masa për ne egjiptiant. Të vijë dhe ta shoh se çfarë uji pime ne, ne pime ujë të Lumit Buna”, kanë thënë për mediat banorët e këtij komuniteti.
Uji i pijshem, ndihma sociale dhe strehimi jane tre problemet kryesore te ketij komuniteti. Probleme qe nese nuk do te zgjidhen do te bejne qe keto banore te organizojne protesta para Bashkise Shkoder.