Kryeministri tha që duhet të pastrojmë vendin…dhe në qoftë se bashkitë nuk e bëjnë do marrin grant më pak… Bëri dhe takim me “flotën” e kryebashkiakëve për këtë qellim. Epo mirë!
Doli dhe me qese duke mbledhur mbeturina…u ndoq nga ministrat e tij (edhe nga ministrja nga Shkodra) duke bërë të njëjtën gjë…por me një ndryshim, jo duke mbledhur mbeturina por duke ja vërvitur mbrapsht qytetarit nga ballkoni që i hodhi.
Sy për sy, dhëmb për dhemb (ah sikur të ishte vertetë kështu edhe në fusha tjera të administrimit te territorit). Por, në fakt, kjo tregon anën tjetër të qeverisjes, dobësinë e saj. Sensibilizime të tilla, me qese duke mbledhur apo duke i hedhur nga poshtë lart…me ministra apo aktivistë politikë, tregojnë dobësinë e qeverisjes në nivel vendor por dhe të kontrollit të pamjaftueshëm dhe konformist të nivelit qendror.
Është detyrë e ministrive të monitorojnë funksionet e transferuara duke i matur me standardet e normat e vendosura nga ata (ministritë që i kanë vendosur këto standarde pasi që shumica nuk ka bërë asgjë).
Ligji “Për vetëqeverisjen vendore”, në nenin 33 kërkon që bashkitë duhet të: “…krijimin e një njësie të posaçme në strukturën e njësisë së vetëqeverisjes vendore, e cila do të jetë përgjegjëse për prezantimin, mbikëqyrjen dhe monitorimin e performancës e të shërbimit, përfshirë edhe aspektin gjinor”.
Asnjë nga bashkitë nuk e ka bërë edhe pas 5 vitesh të hyrjes në fuqi të ligjit. Ketu fillon qeverisja jo te 10 sekonda SPOT. /Publikuar në Facebook nga Fatlum Nurja, ekspert i qeverisjes vendore/