Jep dorëheqjen nga mandati i deputetit Mark Marku, zgjedh një editorial gazete për të njoftuar vendimin…

Drejtuesi politik i qarkut të Lezhës për Partinë Demokratike në zgjedhjet e 25 prillit, Mark Marku ka lënë mandatin e deputetit. Lajmin e ka bërë të ditur vetë ai përmes një editoriali për gazetën Panorama.

Marku ka dorëzuar dorëheqjen dhe ka njoftuar se nuk do të marrë pjesë në mbledhjen e Këshillit Kombëtar të PD.


Për arsyet e dorëheqjes, Marku thotë se kanë të bëjnë me vizionin e opozitës. Ai thotë se Basha është thjesht “kryetar i partisë së Berishës”.

“PD po shndërrohet në një parti që mbron interesat personale të dy liderëve të vet, Berishës dhe Bashës, të një grupi të ngushtë drejtuesish të PD-së dhe ndoshta edhe të disa prej deputetëve të saj duke i tradhtuar interesat e atyre që e kanë mbështetur me aq mund, përkushtim e sakrifica”.