Drejtoresha e COD në Kryeministri, Qendrës për Dialog dhe Komunikim, Falma Fshazi, ka dhënë dorëheqjen nga detyra e rëndësishme që ka mbajtur prej vitit 2013. Lajmin e ka bërë publik vetë Fshazi përmes disa postimeve në rrjetin social “Twitter”. “Ka qene një ëndërr që gati askush si besonte, nje pune e pafund, pa pushim real as në maternitet”.
“Por duhet nje pike a presje per çdo gje gjithsesi, e njeren nga keto e vura sot si drejtor i pergjithshem i COD”. “Per çdo gje ju lutem vijoni me ekipin!”. Nuk ka ende një motivacion për largimin e saj nga Kryeministria, por znj. Fshazi ka qenë ndër emërimet e para të Kryeministrit Rama në mandatin e parë qeverisës.
Pak biografi
Falma Fshazi ka lindur ne Shkoder dhe dhe qene kandidate per deputete e PS-se ne vitin 2009. Ajo ka ardhur nga Franca, ku ishte kërkuese e asociuar në Ecole des Hautes Etudes en Sciences Sociales dhe mban gradën Doktor. U bë pjesë e stafit të Kryeministrisë që nga shtatori i vitit 2013, kur drejtonte Njësinë e Hulumtimit dhe të Komunikimit. Falma Fshazi ka drejtuar dhe projektin e krijimit të Qendrës për Hapje dhe Dialog, nga marsi 2014 deri në tetor 2015 kur u emërua drejtore e përgjithshme e COD. Detyrë që e mbajti deri më tani, gusht 2017.
