Ish- kryeministri Berisha sërish në Shkodër, ja ku do të jetë të dielën e 30 janarit me “Foltoren” e tij…

Ish- kryeministri Berisha rikthehet sërish, brenda pak ditëve, në një tjetër takim në Qarkun e Shkodrës. Ai do të jetë në një bashkëbisedim me banorë të Vau- Dejësit, një nga 5 bashkitë e Qarkut të Shkodrës.

Lajmi është bërë i ditur në rrjete sociale nga Ndoc Ashta, nënkryetar i PD Shkodër dhe mbështetës i Berishës dhe lëvizjes së tij për lidershipin e Partisë Demokratike. Në një publikim në Facebook, Ashta shkruan:


“Demokrat e banor të Bashkisë Vau-Dejes . Ditën ë dielë me dt.30 janar 2022 Prof. Dr. Sali Berisha do jetë midis jush. Mikpritja dhe rrespekti për Themeluesin e Liderin e PD. do na bëjë të ndihemi të bashkuar e të sigurt në rrugën drejt fitores.”, shkruan nënkryetari i PD Shkodër Ndoc Ashta.

Berisha në Bashkinë e Shkodrës ka zhvilluar dy takime, një në shtator 2021 dhe një tjetër me 16 janar 2022, duke rinisur turin e bashkëbisedimeve me demokratët pas protestës së 8 janarit 2022 në selinë e PD Tiranë.

E diela e 30 janarit 2022, koençidon edhe me votimin për “primaret” për përcaktimin e kandidatëve për kryebashkiak në 6 bashkitë ku do të votohet me 6 mars sipas dekretit të Presidentit Ilir Meta për zgjedhjet vendore të pjesshme.

Ndërsa Berisha do të jetë në takim me demokratët e Vau- Dejësit, demokratët do të kenë mundësinë të votojnë për preferencat e tyre për kandidatët për kryetar të Bashkisë së Shkodrës, një nga 6 bashkitë ku do të ketë zgjedhje me 6 mars.

Nuk përjashtohet mundësia që ish- kryeministri të vijë edhe në Shkodër, ndoshta për të parë nga afër edhe zhvillimin e “primareve”, shenjë edhe e vëmendjes që Berisha ka për bastionin historik 31 vjeçar të demokratëve, Bashkinë e Shkodrës. /ShkodraWeb/