Gledis Nano shkarkon drejtorin e Policisë Kufitare, priten rokada edhe në drejtoritë vendore të policisë në qarqe

Gledis Nano firmos largimin nga detyra të kreut të policisë kufitare Eduart Merkaj. Mësohet se drejtuesi i ri i policisë kufitare prezantohet pasditen e sotme nga Nano.

Riorganizimi për të intensifikuar luftën në parandalim e narkotikëve, trafikimit të sendeve të paligjshme dhe emigracionit ilegal. Largimi i Merkaj është firmosur nga Nano ndërsa pritet që rokadë të ketë në disa drejtori qarqesh përfshirë edhe Tiranën dhe disa komisariate.


Emri i ri i përzgjedhur nga Nano është efektiv policie nga radhët e policisë kufitare që do të drejtojë policinë kufitare.

Ndërsa, ndër detyrat e para që Nano ka kërkuar ka qenë edhe menaxhimi i mjeteve lundruese në vendet e përcaktuara me ligj për mos cenuar jetën dhe sigurinë e pushuesve.