Pas vendimit të Apelit të Shkodrës që liroi vetem 7 nga 11 kuksianët e akuzuar për protestën në “Rrugën e Kombit”, ka reaguar edhe kryetarja e Bashkisë së Shkodrës Voltana Ademi. Në një postim të shpërndarë në faqen e saj zyrtare në Facebook, Ademi shkruan: “Katër kuksianë do të vazhdojnë të qendrojne ne burg. Jane 4 qytetare te varfer te ketij vendi që u arrestuan gjatë natës dhe ju gjetën vetëm 300 lekë ne xhep.
Në të njejtin vend, baronet e drogës të veshur me imunitet i bëjne karshillek shqiptareve nga studiot televizive. Tallen haptas me ne dhe kërcënojnë me mesazhe të koduar shefat e tyre.
Jam e merzitur si dhe mijera te tjere anekënd vendit. Por me shume jam e revoltuar sepse edhe nje here “drejtesia” dështoi ne venien e drejtesise ne vend.
Por kam shprese, dua te kem shprese sot. Shpresa vjen nga ata qindra shkodrane, shqiptare që tregojnë se nuk kane frike te protestojne, edhe pse ky regjim sot te burgos. Nuk kane frike te ngrejne zerin edhe pse sot duan te na mbyllin edhe gojen.
Sot shkodranet e shqiptaret konfirmuan se kush eshte e keqja me e madhe e tyre! Te gjithe bashke do ia dalim ta ndalim e me pas ta shporrim nga rruga jone!”.