Universiteti “Luigj Gurakuqi” feston 65 vjetorin e krijimit. Është një jubile i rëndësishëm i një institucioni dije që ka nxjerrë me dhjetra breza që nga dita e parë e aktivitetit.
Ky jubile, e gjen universitetin edhe më “të lirë”. Gazetari i njohur Besi Bekteshi ka publikuar disa foto që tregojnë heqjen e rrethimit me kangjella të ndërtesës së Rektoratit, dikush ish- Komiteti i PPSH- së në Shkodër.
“Mbas shumë viteve Rektorati largon gardhin!! Arritje!!! Universiteti, Kisha, Xhamia nuk mund të kenë gardhe! Dikush mendon ndryshe por…”, shkruan Bekteshi, duke përcjell edhe mesazhin për heqjen e rrethimeve nga institucionet publike.
Nuk është e qartë nëse rrethimet janë hequr edhe nga ndërtesat e shumta që ka në Shkodër universiteti, por mirë do të ishte të ndiqej shembulli i Rektoratit. Gardhet apo kangjellat u shtuan veçanërisht pas vitit 1997. Sot, 26 vite më pas, është koha që ato të hiqen dhe hapësirat tu rikthehen shkodranëve. /ShkodraWeb/
